Ginwithdraw ni Sangguniang Bayan member Ketchie Luces ro ginaduso nga resolusyon angot sa pagpatindog it animal bite center sa banwa it Kalibo.
Raya hay matapos nga nadiskubrehan sa ginpatigayon nga session it konseho nga may naga-eksister eon nga ordinansa angot kara apang uwa pa it pormal nga implementasyon.
Ginapahayag nga nagpaabot eon sanda it request sa Department of Health region VI sa tuyo nga makaangkon it kaugalingon nga treatment center ro Kalibo nga inde eon magsalig sa ana it gobyerno probinsyal.
May kaangtanan kara, igaduso eon lang ni SB Luces sa plenaryo nga iprayoridad ro nasambit nga hinyo agud nga may matawag eon nga kaugalingon nga animal bite treatment center ro mga kalibonhon ag inde eon kinahang-ean nga magpila it mabuhay sa ana it probinsya.
