KALIBO, AKLAN — Epektibo eon ro implementasyon it LGU-malay sa limang dag-on nga ordinansa nga nagabawae sa paggamit it plastic sa isla it boracay.
Raya ro ginpahayag ni Malay Mayor Ceciron Cawaling kon sa siin sigon it municipal ordinance no. 320-2012 nga mabawasan ro paggamit it plastic.
Sa idaeaum it ordinansa, hugut nga ginabawae ro paggamit ag pagbaligya it plastic bag sa mga dry goods ag mabawasan ro paggamit kara sa mga wet goods ag maskin ro mga styrofoam.
Ro madakpan nga naga-eabag sa orddinansa hay magamulta it kapin sa 1,000 hasta 2,500 pesos ukon pagkakulong it sang dag-on hasta an-um nga buean.
Pagakanselahon man ro operasyon it mga establisimento nga maga-eabag sa ordinansa.
Angot kara, gin-engganyo ni Mayor Cawaling ro paggamit it mga recyclable materials kapareho it bayong, cloth bags, paper bags ag iba pa nga himo sa mga biodegradable materials.
