Balitang Espesyal——- Sa baylo nga sambilog eamang, daywang siki ro naduea sa sangka magueang nga pasyente sa sangka ospital sa Austria matapos nga saea nga siki ro unang naputoe sa operasyon.
Base sa report, ginpahayag it Freistadt Clinic nga “human error” ag sangka “trahedya” ro natabu.
Maabu eon sigon nga baeatian ro 82-anyos nga pasyenteng eaeaki ag naapektuhan eon ro waea nana nga siki rason nga dapat eon nga putueon.
Natukiban eamang ro pagkasaea kat ginbayluhan eon ro benda sa nina sa ginputoe nga siki nga halin sa hita hasta sa tuhod.
Natabu ro trahedya kat saea nga siki ro namarkahan nga dapat nga utdon.
Ginpasiguro man it ospital nga gina-imbestigahan eon ro insidente ag paga-repasuhon nanda ro andang patakaran.
Gintanyagan ro pasyente it psychological assistance ag kinahangean nga uman nga magpaidaeum sa operasyon agud nga putueon ro siki nga dapat gid nga utdon.
