NATIONAL News — Hugut nga ginapadumdum it pamunuan it Office for Transportation Security (OTS) ro publiko partikular eon ro mga biyahero nga likawan nga magdaea it mga bala bilang anting-anting sa mga paeuparan it nasyon.
Ginpaguwa it OTS ro pahayag matapos nga makit-an ro sangka component it ammunition nga ginagamit bilang anting-anting sa mga gamit it sangka pasaherong paagto sa Iloilo sa Ninoy Aquino International Airport Terminal 2 ko Pebrero 18.
Nasayuran sa OTS nga ro nasambit nga item hay nakita sa regular nga x-ray screening it bagahe it pasahero.
Ginpahayag it OTS nga para malikawan ro saea nga pagpati it pilang pasahero nga bullet planting ukon “laglag bala” ro ginahimo, ginpakita it mga security personnel ro andang mga owa it sueod nga alima antes ag pagkatapos it manual baggage inspection.
Ginpadumdum ni Nieves ro mga air commuters nga bisitahon ro website it OTS ag Facebook page agud nga usisaon ro listahan it mga ginabawae nga bagay sa mga paeuparan ag iba pang impormasyon sa pagbiyahe.
