KALIBO, Aklan–Ginpasaeamatan ni Outgoing Aklan Governor Florencio Miraflores ro mga pumueoyong Aklanon nga nagtao kana it mainit nga suporta sa sueod it mahaba nga tyempo nga pagtao it serbisyo publiko.
Kaparte it naging mensahe it gobernador ro pagtao it punto sa madasig nga economic growth it probinsya sa idaeom it anang pagdumaea.
Pila sa mga legasiya it administrasyon ni Miraflores ro rehabilitasyon it Aklan Provincial Hospital ag Caticlan Jetty Port.
Ginpabugae man kara nga nagapadayun ro partnership it probinsya sa World Bank ag maabu pa nga pondo sa idaeom it Provincial Road Development Program.
Si Miraflores hay nagserbi it kapin sa 34 anyos sa probinsya kung siin ginakaeakipan raya it pitong dag-on bilang alkalde it Ibajay, siyam nga dag-on bilang kongresista ag 18 anyos bilang gobernador.
