-- ADVERTISEMENT --
KALIBO, Aklan—Nagresulta it pag-sangkiri it suplay it isda sa nasyon ro ginapatigayun nga ‘overfishing’ it mga barko it China sa West Philippine Sea.
Suno kay Edicio Dela Torre, presidente it Philippine Rural Reconstruction Movement (PRRM), nagapangunang rason kara ro mga aksyon it China kung ham-an kueang ro suplay it isda sa Pilipinas.
Madumduman nga una eon nga gin-aprubahan it Department of Agriculture (DA) ro pag-angkat it 60,000 metrikong toneladang isda kaibahan eon ro galunggong para mapun-an ro kakueangan.
Ginbase raya sa kinahang-eanon it nasyon ag ro epekto it bagyong Odette sa nagkaeain-eain nga sektor.
