Padayon ro ginahimo nga pag-ubra it overpass sa Mabini St., Kalibo.
Suno kay Jay-ar Arante, media head it LGU Kalibo, makabig nga una eon sa 80% ro kabilugang natapos ag una eon sa phase 2 ro pag-ubra it nasambit nga overpass kun sa siin tabon sa kilid, ag bubong ro presenteng gina-himo nga amat-amat eon man ginatapos it mga construction workers.
Ginatinguha sigon raya nga matapos antes mag balik eskwela ro mga inunga apang kun indi man mahingabot hay makaron nga buean it Hunyo hay dapat matapos eon sigon bangud ro target date it nasmabit nga proyekto hay June 15.
Dugang pa nana nga ro nasambit nga daean hay ginakabig nga pinaka-masako nga daean kaya una man gihapon sigon ro mga Auxillary Police para mag asister.
Raya man ro kauna-unahan nga overpass sa probisnya it Aklan patimaan nga naga-umwad ro banwa it Kalibo.
Ro overpass hay bukas 24 oras ag uwa naga-sara mageuwas lang kun may mga mabahoe nga hitabo kapareho it Ati-atihan na posibleng ubrahon nga taeambayan ro overpass.
Pahayag dugang ni Arante nga magiging manami rayang proyekto ag mabahoe nga bulig.
Ginaeuaman man nga bukon eang it daya ro overpass sa banwa bangud abo pa nga lugar nga pwede butangan it overpass.
