Ginkumpirma ni OVP Assistant Chief of Staff Lemuel Ortonio nga imaw ro naga-dumaea sa pagpaguwa, paggamit ag liquidation it pondo it Office of the Vice President (OVP) sa impeachment trial ni Vice President Sara Duterte ku Agosto 25, 2026.
Suno kay Ortonio, uwa it confidential fund ro OVP kat mag-pungko imaw ku Hulyo 2022 ag uwa man sigon raya ku tyempo ni dating Vice President Leni Robredo.
Ginhambae nana nga naghinyo ro OVP it confidential funds sa Department of Budget and Management ku Agosto 22, 2022, ag si Duterte ro nagtaeana it haegang ginpangayo.
Samtang, ginpakita it prosekusyon nga uwa it kaeakip nga computation ro nasambit nga request ag uwa man nag-agi kay Ortonio ro Physical and Financial Plan nga ginpahaom makataliwan ro haeos sang buean.
Gindeklarang hostile witness si Ortonio matapos kuwestiyunon it prosekusyon ro pilang parte it anang testimonya, samtang ginpamilit mat-a it depensa nga mga haka-haka ag konklusyon eamang ro pilang punto it prosekusyon nga kinahangean pa nga mapamatud-an sa cross-examination.
