Owa eon gina-require it negatibong resulta it swab test ro mga maga-uli nga LSI’s sa Aklan

KALIBO, Aklan—Owa eon gina-require it negatibong resulta it swab test ro mga maga-uli nga Locally Stranded Individuals ukon LSI’s sa probinsya it Aklan apang kinahang-ean gihapon it mga raya nga magpakita it travel authority, medical clearance ag koordinasyon halin sa andang tagsa ka Local Government Unit ukon LGU.

Kaangot kara, pag-abot sa probinsya hay igapaidaeom sanda sa swab test kung sa siin ro gobyerno probinsyal ro magasabat sa gaeastuson antes iga-release sa andang LGU para sa 14-day mandatory quarantine.

Raya hay base sa ginpagguwa nga amended Executive Order No. 036-B ni Aklan Governor Florencio Miraflores.