KALIBO, Aklan— Owa eun it may nailistang kaso it Coronavirus Disease 2019 ukon Covid-19 sa Brgy. Manoc-manoc sa isla it Boracay.
Sa pihak kara, nagapabilin sa gihapon nga una sa idaeum it surgical lockdown ro Zone 1 ag 7 kung sa siin idto nag-eapta ro nasambitan nga virus.
Suno kay Barangay Kapitan Nickson Sualog it Barangay Manoc-manoc sa Isla it Boracay nga sa makarun hay may una eun nga kabilugang 24 ka mga aktibong kaso it makamaeatay nga sakit sa andang barangay.
Sa nasambitan nga numero kapin sa 18 ro nakarekober ag ro iba kara hay presenteng naka quarantine.
Ginapahayag dugang nga ro mga pasyenteng natapnan it virus hay puro tanan asymptomatic.
Samtang, ginpahayag man ni Barangay Kapitan Sualog nga kahapon hay nakapanudpod eun sanda it ayuda sa mga residente nga apektado it ginapatuman nga lockdown.
Raya eun man ro ikaywang kahigayunan nga sanda hay nagpnudpod it bulig
Ginpasaeamatan man kara si Aklan governor Florencio Miraflores ag si Malay Mayor frolibar bautista sa gintao nga mga food packs.
Nagpanawagan man raya sa mga pomoeuyo nga hugot nga magsunod sa minimun health protocol agud malikawan ro pagtaeapnan pa it deadly virus.
