KALIBO, AKlan—Owa it anuman nga ginbag-o sa kaundan it ginpaguwa nga Executive Order no. 001 series of 2022 ni Aklan Governor Florencio Miraflores maskin nga ginpaidaeum eon sa Alert Level 3 ro probinsiya.
Suno kay Provincial Administrator Atty. Selwyn Ibarreta, nagapabilin ro mga dating ginplastar nga prohibitions ag protocols sa idaeum it Alert Level 2.
Suno kana, sa idaeum it Alert Level 3, pilang establisimyento ro pagapasugtan nga mag-operate it 30% indoor venue capacity para sa fully vaccinated ag 50% outdoor venue capacity man kun fully vaccinated ro mga empleyado.
Samtang, bawae man ro mga in-person classes, contact sports, funfairs, mga peryahan, ag casinos.
Sa pihak nga parte, aminado man si Atty. Ibarreta nga bangud sa uman nga pag-require sa RT-PCR test ag pagsirit it kaso sa NCR rason nga mabahoe ro gin-naba it tourist arrivals sa isla it Boracay.
Nauna eon nga ginmandu it gobernador ro “no vaccination, no entry” policy sa tanan nga mga provincial government offices samtang may pila eon nga mga establisimento ro nagapatuman kara.
Nakataeana man sigon nga iga-implementar ro no vaccine, no ride policy base sa mandu it department of transportation.
Samtang, gin-umpisahan eon man suno kana ro pagtau it booster shots sa mga tourism workers sa isla nga gintaeana it Department of Tourism.
Maga-dere-deretso man sigon ro andang vaccination roll-out ag bangud nga nag-abu ro gustong magpabakuna hay nagdugang sanda it vaccination site kapareho it aklan catholic college gym ag posible man nga magapatigayon it bakunahan sa mga barangay ag mga banwa.
Owa suno kana it problema sa vaccine bangud sa bastanteng supply.
Sa makaron hay padayun ro pagtaas it kaso it COVID-19 sa Aklan base sa ADAR, 2-week growth rate ag health care utilization nga amat-amat man nga nagasaka ro percentage.
