KALIBO, Aklan—Owa it bakuna nga makaprotekta sa sangka indibidwal it syento porsiyento kontra sa Coronavirus Disease 2019 ukon COVID-19.
Raya ro pagklaro ni Bombo International correspondent Denmark Suede, sangka registered nurse ag covid-19 vaccine trained nga nakabase sa Sydney Australia.
Suno kana nga ro mahimo eamang it bakuna hay agud nga mataw-an it dugang nga proteksiyon ro eawas it sangka tawo agud nga engkasong tamaan it covid-19 hay maisot eamang ro tiyansa ukon malikawan gid ro pagka-ospital kamana man ro pagkamatay.
Dugang pa kara nga ano man nga klase it bakuna hay euwas rason nga indi eun puweding magpili pa ro publiko ag batunon eagi kung ano man ro available nga bakuna.
Samtang, ginklaro dugang ni Suede nga may mga bakunang mahina eamang ro maitao nga proteksiyon kontra sa orihinal nga covid-19 kamana man it delta variant nga covid-19.
Samtang, nagpaabot man it anang reaksiyon si Suede sa naging pahayag it sangka medical doctor angot sa sigon hay mas delikado pa ro bakuna kumpara sa mismong virus nga covid-19.
Suno kana nga owa it basehan ro ginbuhian nga sentemiyento it nasambitan nga doctor bangud raya hay owa naka-agi it pagtuon angot sa bakuna.
