KALIBO, Aklan—Owa it ensakto nga depinisyon para sa mga baganinahan rason nga maskin sin-o hay pwedeng maging sambilog sa mga raya.
Raya ro ginpaathag ni Atty. Plaridel Morania, sangka batikan nga abogado sa Aklan kaangot it selebrasyon it National Heroes Day makaron nga adlaw, Agosto 29.
Dapat suno kana nga mataw-an it mabahoe nga importansya ro mga tawo nga nagpakita it mabahoe nga kontribusyon sa kahilwayan it nasyon.
Dapat sigon nga taw-an it mabahoe nga pagrespito ro mga national heroes kamana man nga dumdumon ro mga tawo nga nagpakita it kamaeayran sa nasyon.
Ginpahayag pa kara nga ro tanan nga presidente hay may kinamatarong nga mai-eubong sa eubnganan it mga baganihan sa oras nga sanda hay magtaliwan sa pihak nga kinabuhi.
Ginsuhestiyon man ni Atty. Morania nga ibalik sa dati ro curriculum sa mga eskwelahan angot sa Philippine History and government umpisa sa elementarya.
Tuyo kara nga masayuran it mga pamatan-on ro naging papel it mga baganihan sa pag-angkon it kahilwayan ag katawhayan sa nasyon.
