NATIONAL News—Uman nga gindepensahan ni Pangueong Rodrigo Duterte ro pagbakae it gobyerno it bilyong peso nga haega it personal protective equipment (PPEs) ko nagtaliwan nga dag-on ag gin-insister nga owa it korupsyon sa ginpatigayun nga proseso.
Sa anang pre-recorded nga Talk to the People, ginpahayag ni Pangueong Duterte nga ro pagbakae it PPEs nga ginpaagi sa PS-DBM hay suportado it Government Procurement Reform Act ag Bayanihan to Heal as One Act.
Suno kay Pangueong Duterte, ginataw-an it gahum it Bayanihan law ro presidente nga mag-adopt it temporary emergency measures para magsabat sa krisis ag sa rayang kahigayunan sa COVID-19 pandemic.
Ro pagbakae it PPEs sa kompanyang Pharmally hay presenteng gina-imbestigahan it Senate blue ribbon committee kung siin nagapati ro pilang senador nga may natabo nga overpricing.
