NATIONAL News — Owa it Filipino ro namatay sa natabu nga missile attack it Iran sa Israel, ag ro natabu nga mass shooting sa Tel Aviv suno sa Philippine Embassy sa Israel.
Nauna eon nga ginpahayag it embahada nga matapos nga makabaton it reports angot sa impending attack, insigidang gin-abisuhan ro mga Filipino sa Israel nga pirmeng maging alerto sa pagsueod sa bomb shelters sa oras nga makabaton it text ukon app alert kamana man nga makabati it alert siren.
Nakabaton it bulig ro embahada sa pagpakalhit it safety advisory pinaagi sa social media ag messaging platforms halin sa mga lider it Filipino community idtu.
Bilang resulta, kaabuan sa mga Filipino hay nakasueod sa safe rooms kat matabu ro missile attack bandang alas- 7:30 it gabi-i.
