KALIBO, Aklan—Owa it natabu nga overpricing sa kontrobersiyal nga hair braiding sa Isla it Boracay.
Raya ro ginkumpirma ni Felix delos Santos, Jr., Chief Tourism Operations Officer it Malay Tourism Office sa ginpatigayon nanda nga imbestigasyon kaibahan ro Malay Boracay Vendors, Peddlers, Masseurs, Manicurist and Hair Braiders Association, Inc.
Suno kana nga nakaangkon it ginatawag nga service agreement ro ginikanan it customer nga sangka dumueuong nga turista ag ro mga nagsaeapid sa anang buhok.
Madumduman nga sangka manager it hotel ro nag post sa social media matapos nga masayuran halin sa andang guest nga nagbayad sanda it kapin sa P16,000 para sa hair braiding it andang unga.
Ro asosasyon it mga hair braider sigon sa boracay hay accredited it sangguniang bayan bilang people’s organization.
Rason nga engkaso nga makaangkon it pag-eabag sa andang rules and regulations hay may posibilidad nga mabawi ro andang mayor’s permit.
Ginaseryoso sigon nanda ro natabu nga insidente rason nga posibleng makaangkon it innovations sa andang mga patakaran.
Sa pihak nga parte, maskin nga indi makabig nga malisyoso ro pag-post it manager it sangka hotel nga ko ulihi hay nag-trending, gin engganyo ni delos santos ro tanan nga kon may isyu angot sa turismo hay indi magduha-duha nga magdangop sa anang taeatapan.
