KALIBO, Aklan—Owa it pagaeauman nga aktibidad ukon party nga igapatigayun sa beach front it isla it Boracay para sa holiday season makaron nga dag-on.
Suno kay Malay Mayor Frolibar Bautista nga hugut nga ginabawae it lokal nga gobyerno ro pagbaligya ukon paggamit it paeupok sa isla.
Buot hambaeon kara owa man it matabo nga pyrotechnics ukon fireworks display.
Kaangot kara, nagpagguwa man it Executive Order No. 54 ro alkalde para i-adjust ro oras it curfew sa Boracay kung sa siin, umpisa Disyembre 16 hasta 25 ag Disyembre 31 ag Enero 1, 2021 hay maga-umpisa ro curfew it ala-1 it aga-aga hasta alas-3 it aga-aga.
Ro adjustment hay ginpatuman para mataw-an it kahigayunan ro mga pumueoyo nga maka-tambong it Simbang Gabi.
Ginpahayag dugang nga nakaplastar eon man ro security plan ro mga kapulisan para sa andang deployment sa tyempo it Paskwa agud nga masigurong maipatuman ro peace and order sa isla.
