KALIBO, Aklan—Owa it anuman nga paghueag sa presyo it baboy ag manok sa Oyo Torong Talipapa.
Raya hay base sa ginpatigayon nga price monitoring it Bombo Radyo Kalibo.
Sa paglibot-libot it bombo radyo sa nasambit nga baealigyaan, haeos limang peso ro gin-naba it kada kilo it manok nga 140 pesos ro presyo halin sa dating 145 hasta 150 pesos.
Samtang, ro kada kilo man it baboy, ro liempo hay nagahampang sa 200 pesos, pork chop 180 pesos ag ro paras hay 150 pesos.
Sa pihak nga parte, pila sa mga negosyante hay nagareklamo eon bangud sa mahina nga kita tuga it owa it masyadong bumaeakae eabi ag gintaeana eamang sa alas-6 it agahon hasta alas 4 it hapon ro oras it pag negosyo sa banwa it Kalibo.
Kapin sa 50 hasta 70 porsiyento sigon ro naduea kanda kanda nga kita kada adlaw umpisa nga magtuhaw ro pandemya bangud sa mga restrictions.
Sa pihak nga parte, gindugang pa it nasambit nga negosyante nga hugut sanda nga nagasunod sa ginapatuman nga health and safety protocol agud nga matapna eon ro COVID-19.
Apang apela kara, dapat man nga ikonsidera ro andang opinyon sa mga ginapatuman nga regulasyon.
Angot kara, pabor imaw sa ‘no movement Sunday’ bangud nga nagasarado gid man imaw it anang pwesto apang may epekto sigon raya sa mga may mabahoe nga establisimento komersiyal.
