NATIONAL News — Owa it napabalita nga namatay ukon naninahan nga mga Pilipino sa tunga it padayun nga bakbakan sa tunga it Israel ag Hezbollah, suno kay Department of Migrant Workers (DMW) Secretary Hans Leo Cacdac.
Ginpahayag it Lebanese health ministry nga indi maganaba sa 492 eon ro namatay ag 1,645 ro naninahan bangud sa padayun nga pag-atake it Israeli.
Kaibahan sa mga namatay hay 35 nga unga ag 58 nga babaye.
Suno kay Cacdac, ginaboeobanta nga kueang-kueang sa sanggatos ro mga Pilipino nga naga-istar sa southern Lebanon nga maeapit sa dueunan it Israel.
Ro Lebanon hay nagapabilin nga una sa idaeum it Alert Level 3 nga nagakahueugan nga boluntaryong pagpauli.
Ginpahayag ni Cacdac nga kapin sa 430 nga Pilipino eon ro naka-avail it libreng repatriation it gobyerno, haeos sanggatos sa mga raya hay nag-uli makaron eamang nga Setyembre.
Gin-engganyo man it gobyerno it Pilipinas ro mga Pilipino sa Lebanon nga mag-evacuate eon samtang available pa ro mga commercial flights.
Ro pagproseso it imigrasyon sa Lebanon, para sa mga maga-avail it gina-offer nga repatriation it gobyerno it Pilipinas hay magabuhay it sang domingo hasta daywang domingo.
