Sport News———-Owa sigon nailanga mausog ro Team Pilipinas sa rayang kahigayunan rason nga paga-ibahon eun nanda ro andang diskarte sa send off it mga Pinoy athletes nga magapasakop sa pinakamabahoe nga sporting event sa bilog nga kalibutan- ro Tokyo Olympics.
Pilang adlaw umpisa makarun hay magabandera eun ro kakaibang Olimpiyada sa nasyonng Japan sa tunga it COVID pandemic.
Ginkumpirma sa Bombo Radyo ni Philippine Olympic Committee Chairman Abraham “Bambol” Tolentino, nga indisanda magpatigayon it traditional nga send off para sa mga atleta ag pagahimuon eamang nanda rayang via virtual.
Kaibahan sa mga rason hay ro 15 nga athletes nga idto sa ibang nasyon para mag-ensayo samtang ap-at eamang ro nabilin sa Pilipinas.
Samtang sa weekend hay maga-umpisa eun nga mag-abot ro pilang atleta sa Japan, samtang tatlong adlaw man antes ro pag-umpisa it Olimpics sa July 23 hay m maga aeabutan man ro iba pang mga sports officials.
Owa man it magapasakop sa parade of nations nga mga atleta agud nga indi magaoy.
Mag-euwas eamang sa daywang flag bearer it nasyon.
Ro magamartsa man nga kaparte it official delegation hay sanday chef-de-mission Mariano “Nonong” Araneta, Philippine Judo Federation president Dave Carter, boxing coach Nolito Velasco, skateboarding coach Daniel Velasco, Philippine Swimming Inc. president Lani Velasco, ag Gymnastics Association of the Philippines President Cynthia Carrion.
