Tanan kita hay may tiempo nga owa natutunawan.
Posibleng raya hay natural eang.
Apang kon raya hay pirme-pirme nga nababatyagan, basi nga raya hay sangka grabe eon nga baeatian.
Ro kada tawo hay nakakaexperiensiya it indi matunawan bangud sa mga pagkaon nga ginakaon, sobrang pagkaon ukon masyadong madasig nga magkaon.
Kon amat, ro pagkain it mga halo-halong mga pagkaon, kapareho it maaslum, mahaeang, matambok ukon gatas hay posibleng maging rason it pagkutoy it tiyan.
Ro pagpanigarilyo ag pag-inom it alkohol hay posibleng mag-resulta man sa tummy aches.
Kaeabanan, kinahangean eamang nga mag inom it antacid ag pahuway.
Agud nga malikawan ro indi matunawan it pagkaon, ginalaygay it mga eksperto nga magkaon it mas sangkiri nga pagkaon apang pirme-pirme.
Sa pihak kara, may iba pang mga rason nga posibleng mas seryoso.
Kun ro sakit hay naga-umpisa sa tunga it tiyan, ag pagkatapos hay nagadaeagan sa tuo nga ubos it tiyan, posible nga raya hay appendicitis.
Kon ro sakit hay nagakatabu sa tuo nga ibabaw it tiyan ag nagakatabu pagkatapos magkaon it mamantika, basi nga raya hay bato sa apdo ukon gallbladder stone.
Ro parehong mga kondisyon hay kinahangean nga makita it sangka surgeon para sa posibleng operasyon.
Kon amat, ro pamatyagan nga owa natunawan it pagkaon hay posibleng sangka senyales it sangka ulcer ukon kanser sa tiyan.
Ro mga sintomas nga dapat bantayan hay kun may kaibahan nga anemia ag pagnaba it timbang.
Ro sangka gastroenterologist hay pwedeng magpatigayon it sangka endoscopy agud nga mausisa ag masayuran ro sakit.