Owa pa sigon it lead ro Lamitan City Police Station sa responsable sa pagbaril-patay kay retired police officer Rolando Yumol,ro ama it suspek sa pagpamaril-patay it tatlong katawo sa Ateneo de Manila University-Quezon City Campus nga si Dr. Chiao Tiao Yumol.
Ginpahayag ni Lamitan City police officer-in-charge Lt. Col. Tadzhabel Managola nga bag-ong guwa eamang it andang panimaeay ro biktima tag pangbarilon imaw it riding-in-tandem suspects kung siin naka-angkon raya it ap-at nga tama it mga bala sa anang likod.
Ginsugod pa sa ospital ro biktima apang gindeklara rayang dead-on-arrival.
Narekober man sa crime scene ro ap-at nga basyo it kalibre 45 nga baril.
Sa makaron, nagapadayon ro imbestigasyon it Lamitan City Police Station para matumod ro motibo it krimen kung siin kaeakip sa andang paga-imbestigahan ro posibleng koneksyon kara sa pagbaril-patay ni Dr. Yumol kay dating Lamitan City Mayor Rosita Furigay, sa assistant kara ag nadamay nga sangka security guard.
