Owa pa it mga bueangan nga nagbukas sa Aklan

KALIBO, Aklan—Owa pa it na-monitor ro mga otoridad nga mga bueangan ukon cockfighting arena sa probinsya it Aklan nga nagbukas eun.

Raya hay sa pihak it ginpagguwa nga statement it National IATF kung  sa siin ginapasugtan eun ro uman nga pagbalik it operasyon it mga bueangan sa mga lugar nga una sa idaeum it Modified General Community Quarantine.

Suno kay P/Capt. Willian Aguirre it  Aklan Police Provincial Office ukon  APPO, nga sa makarun hay maabo ro mga Local Government Unit nga nagsumite it andang proposisyon nga mag-operate apang owa pa it kompleto nga mga papeles.

Kinahangean man nga aprubado raya it  Department of Interior and Local Government (DILG).

Dapat man nga magsikyar it IRR nga gin-implement it Bureau of Internal Revenue (BIR).