KALIBO, Aklan—Pagpakita it pagiging mataeaw ro owa pagtambong ni dating senador Ferdinand Bongbong Marcos Jr. sa sangka mabahoe nga presidential forum nga gin-organisa it kapisanan ng mga brodkaster ng pilipinas ukon KBP.
Raya ro ginpahayag ni Atty. Plaridel Morania, sangka batikang abogado sa Aklan.
Suno kana nga ginduea it nasambit nga presidential aspirant ro oportunidad nga ma-presentar ro anang mga plano para sa May 9, 2022 nga eleksyon kamana man nga masabat ro isyu kontra kana angot sa tax evasion.
Importante sigon sa publiko nga makumpara ro panindugan it mga aspirante sa nagkaeain-eain nga mga isyu.
Samtang, ginpahayag ni Atty. Morania nga puro mayad magsabat ro limang presidential aspirants nga nagtambong sa “Panata sa Bayan: The KBP Presidential Candidates Forum maskin nga kon amat ro mga pangutana kanda it panel journalists hay mabug-at ag malisod.
Dapat suno kana nga nagpaiway ro veteran journalist nga si Korina Sanchez sa KBP forum, apang gin-insister kara nga ro kampo ni Marcos ro nagtaeana it oras ag adlaw para sa andang one-on-one interview.
Madumduman nga ginhambae ni marcos nga bangud sa conflict sa schedule rason nga owa imaw nakatambong.
Pagkatapos it forum, nagpanumpa ro mga kandidato para sa masaligan, matawhay ag malimpyo nga eleksyon.
