KALIBO, Aklan—Sa pihak it padayun nga pag-improve it crime environment sa Western Visayas pinaagi sa pagnaba it crime volume, gin-engganyo gihapon ni P/BGen. Jack Wanky, regional director it Police Regional Office 6 ro mga kapulisan sa Aklan nga mas pang maghugod ag indi maging mediocre ukon makuntento sa mga bagay nga gina-obra kundi nga mas pa nga ayuson ag pamayaron ro trabaho.
Raya ro gintaw-an it punto it opisyal sa anang kauna-unahang command visit sa Aklan Police Provincial Office bilang bag-ong Regional Director it PRO-6.
Suno kana nga dapat nga mag-usoy it pamaagi kon paalin pa nga mapa-improve ro kaugalingon ag trabaho nga gin-assign kanda sa adlaw-adlaw.
Dugang pa nana nga tinguhaan it kada pulis nga maging ehemplo ro PRO 6 it iba pang police regional offices sa bilog nga nasyon.
Sa pihak nga parte, gin engganyo pa ni P/BGen. Wanky ro kapulisan nga ipatuman ro mga tikang agud nga mapa-improve ro police visibility ag mapabaskog ro police-community relations.
Importante man sigon nga makaangkon it disiplina ro kada pulis agud nga maging mayad nga ehemplo sa komunidad.
