Kipo pa ro bibig ni P/Lt. Col. Richard Mepania sa masunod nga magiging assignment kasunod it pagtapos it anang daywang dag-on nga tour of duty bilang hepe it Kalibo Police Station.
Suno kana nga raya hay bilang pagsunod sa desisyun it higher command .
Samtang, ginpasaeamatan ni Mepania si Mayor Emerson Lachica ag ro Sangguniang Bayan it Kalibo sa pag-apela sa Police Regional Office 6 nga makaangkon pa it extension ro anang pagpanerbisyo .
Madumduman nga nauna eon nga gin-relieve si Mepania ko December 7, 2018 ag iga-reassigned kunta bilang Deputy Commander it Regional Mobile Force Company sa Iloilo, apang ginhawiran bangud sa nakataeana kato nga Ati-atihan Festival 2019 .
Si Mepania hay na-assign sa banwa it Kalibo ko nagtaliwan nga February 19, 2018.
Mag-eowas sa mga opisyal it Kalibo , mga stakeholders ag iba pa , eubus man kara nga ginpasaeamatan ro mga katapo it Media sa Aklan, kun sa siin, ro haeos tanan nga mga manami nga handumanan nana sa Kalibo hay anang pagabaeunon sa anang tagipusuon .
