POLICE Report — Ap-at nga katawo ro gindakop samtang masobra sa P1 milyon nga balor it mga good lumber ro nakumpiska it Philippine National Police-Highway Patrol Group (PNP-HPG) matapos nga baeabagan sa checkpoint ro daywang trak nga ginkargahan kara sa Alaminos, Laguna.
Suno kay PNP-HPG Director Brig Gen Eleazar Matta, ginkasa nanda ro operasyon kaibahan ro mga tawuhan it Department of Environment and Natural Resources (DENR) kat makabaton it impormasyon nga maga-agi sa kahabaon it Bypass Road sa Barangay San Agustin, Alaminos, Laguna ro daywang truck nga puno it good lumber .
Base sa report, eapnaag sa kabukiran it lugar ro illegal logging rason nga nagaka-kalbo eon ro kagueangan ag nagabaka sa kapatagan.
Owa man it naipakitang dokumento ro daywang driver sa karga nanda nga mga kahoy rason nga gindaea sanda nga ap-at sa presinto.
Nagguwa sa imbentaryo it DENR nga naga-abot sa P1.2 milyon ro balor it ginpaeusot nga mga kahoy.
Ginapahaum eon ro nagakaigo nga kaso kontra sa ap-at.
