Gin-aprubahan eon it Land Transportation Franchising and Regulatory Board (LTFRB) ro ginahinyu it mga jeepneys drivers nga dugang nga pisong taas it pamasahe.
Apang ro nasambit nga fare hike hay para eamang sa mga jeepneys nga nagabiyahe sa Metro Manila, Central Luzon, Calabarzon, ag Mimaropa umpisa makarog adlaw.
Sa desisyon nga ginpaidaeom it Board it LTFRB, ro provisional P1 fare hike hay para sa unang ap-at nga kilometro, samtang owa eon it dugang nga pagasukton sa mga masunod nga kilometro.
Nagpadumdom man ro LTFRB sa mga public utility jeepneys sa nasambit nga mga rehiyon nga kinahangean magbutang sanda it “notice of provisional fare increase” sa sueod it mga saeakyan.
Ro pagpasugot it LTFRB sa pagtaas it pamasahe hay kasunod eon man it padayon nga pagpinatuman it oil price increase.
Sa pihak nnga parte, ro LTFRB hay uman nga magapatigayon it final hearing antes matapos ro buean it Hunyo may kaangtanan man sa sangka petition nga nagahinyu it P6 nga dugang sa pamasahe.
