Naka-angkon it kapin sa P100 milyon pesos nga balor it “sales lead” ro nasyon sa ginpatigayon nga ASEAN Tourism Forum sa Yogyakarta, Indonesia makaron nga buean.
Raya ro ginbalita it Tourism Promotions Board kun sa siin ro delegasyon hay ginaeakipan it 16 nga local exhibitors halin sa airline industry, tour operators, ag accommodations nga nakipag-angot sa 115 nga international buyers.
Ginbida man it delegasyon ro mga lokal nga destinasyon kapareho it Boracay, Cebu, ag Palawan, maskin ro mga sample it Kaulayaw Coffee.
Suno sa TPB, maabu pang mga lokal nga negosyo ag destinasyon ro ginkilaea sa ASEAN Tourism Standards Awards.
Madumduman nga nauna eon nga ginpahayag it Department of Tourism (DOT) nga target kara ro 4.8 milyon nga turista nga maga-abot sa nasyon makaron nga dag-on, doble sa nailista ko 2022.
