Kalibo Aklan ——-Magata-o ro PhilHealth it P100,000 ‘compensation package’ para sa sangka miyembro nga makaeksperyensya it seryosong adverse effects ag maospital matapos makabaton it COVID-19 vaccines.
Para sa permanent disability ukon pagkamatay, makabaton ro miyembro ukon ro andang benepisyaryo it lumpsum nga nagaabot sa P100,000 nga pagabayaran it sang beses eamang.
Ginpahayag ni PhilHealth Vice Pres. Shirley Domingo nga magiging available ro ‘compensation package’ hasta sa Marso 2, 2026 ukon hasta sa makumpleto eon it nasyon ro COVID-19 vaccination program.
Pwede man raya nga paeawigon it Presidente, depende sa rekomendasyon it advisory committee.
Para maging ‘eligible’ sa pagbueo it kompensasyon, kinahang-ean nga mausisa anay kon may ‘direct casuality’ ukon may direktang kaangtanan sa bakuna ro pagpaospital it sangka miyembro.
