POLICE Report —- Masobra sa P10.2 milyon nga kantidad it shabu ro nakumpiska sa daywang naarestong suspek sa ginpatigayon nga anti-drug operation it mga awtoridad sa Jolo, Sulu.
Ginkilaea ni Col. Richard Verceles, operations chief Area Police Command–Western Mindanao, ro nadakpan nga suspek nga sanday Alnasir Ismun ag Al-amin Sahipa samtang padayun pa nga ginatugis ro sambilog pang target nga si Shadri Mar.
Sa gintingub nga puwersa it National Intelligence Coordinating Agency 9-Zamboanga Peninsula ag militar naaresto ro mga suspek bandang alas-9:15 it gabi-i sa pantalan nga sakop it Barangay Walled City, Jolo.
Nabo-oe sa mga suspek ro 1.5 kg it ginadudahan nga shabu nga nakaputos sa mabahoe nga supot ag 10-medium-sized heat-sealed plastic sachets, ag iba pang ebidensya.
Suno kay Verceles, mabuhay eon nanda nga ginasubaybayan ro opersyon ni Mar nga nagapangunang target sa operasyon apang owa raya nagpakita.
Nagapangatubang makaron sa kasong pag-eabag sa illegal drugs ro mga suspek.
