Naga-abot sa P151 bilyon nga pondo sa 2023 National Budget ro gintaeana it Department of Budget and Management para sa social protection service program it Department of Social Welfare and Development.
Suno kay Budget Secretary Amenah Pangandaman, bulig raya para sa mga pigadong Pilipino.
Kaibahan sa mga major social protection services it DSWD ro Sustainable Livelihood Program (SLP), Supplementary Feeding Program (SFP), Protective Services for Individuals and Families in Difficult Circumstances (PSIFDC) ag Pantawid Pamilyang Pilipino Program (4Ps).
Sa nasambit nga pondo, P6.46 bilyon ro nakataeana sa SLP nga nagatao it livelihood support; P5.2 bilyon ro para sa SFP ag P36.82 bilyon ro para sa PSIFDC.
Samtang, ro pinakamabahoe nga pondo nga nakataeana hay para sa 4Ps nga naga-abot sa P102.61 bilyon.
