-- ADVERTISEMENT --
KALIBO, Aklan–Ginauean makaron it waea-tuo nga batikos ro viral post angot sa gina-alegar nga ‘overpriced’ ukon masyadong mahae nga sukot sa pagpasaeapid it buhok it sangka turista sa isla it Boracay.
Nagaguwa nga ginsukot ro babayeng turista it kapin sa P16,000 matapos raya nga magpasaeapid.
Ro post hay mainit nga gin-istoryahan it mga netizen kung siin may iba pa nga nagkomento it kaparehong eksperyensya.
Sa makaron, owa pa it ginpagguwa nga opisyal nga pahayag ro lokal nga gobyerno it Malay angot kara.
