KALIBO, Aklan — Kumpiyansa si Department of Interior and Local Government (DILG) Assistant Secretary Epimaco Densing III nga madaling mabawi ro gina tantiyang P20-80-billion nga madueang kita sa rekomendasyong pagpasara sa Boracay.
Sa interview it Bombo Radyo, gin pahayag ni Asec. Densing nga ro importante sa makaron hay mabuligan ro isla pinaagi sa rehabilitasyon kun siin nakaplastar eon ro mga plano ag timeline.
Suno pa kana nga posibling mabawasan pa ro an-um nga buean nga pagpasara depende sa kadasig ag kooperasyon it mga residente sa rehabilitasyon ag paglimpiyo.
Gina hueat pa ro opisyal nga deklarasyon ni Pangueong Rodrigo Duterte sa Abril 26 base sa andang rekomendasyon nga ipasara ro Boracay.
Sa pihak nga parte, kasong serious negligence ro posibling pangatubangon it pilang mga opisyal it Aklan ag LGU-Malay bangud sa pagpabaya sa isla.
Kaeakip eon kara sanday Governor Florencio Miraflores, Malay Mayor Ceciron Cawaling ag iba pang barangay official ng Boracay.
