KALIBO, Aklan – Kinaon it mabahoe nga kaeayu ro sambilog sa mga gina dayong resort sa Sitio Diniwid, Barangay Balabag sa isla it Boracay, bandang alas-10:20 kabie.
Suno kay FO1 Julian Aringo it Bureau of Fire Protection-Boracay, gina tantiya nga P20-million ro haega it na-abu nga Nami Resort kun siin umabot sa tatlong oras bago natapna ro sunog.
May kaangtanan kara, insigidang gin daea sa evacuation center sa Balabag gym ro andang mga guests nga puros foreigners.
Samtang, naging mabudlay sigon ro pagtapna sa kaeayu bangud ro nasambitang resort hay sa ibabaw it bukid, maabong mga bato ag may kabaskugon ro hangin.
Sa makaron hay padayun nga gina imbestigahan it mga arson investigator it Bureau of Fire Protection-Boracay ro nangin rason it sunog.
