May nakapahaum nga P200 million quick response fund ro National Disaster Risk Reduction and Management Council (NDRRMC) para sa assistance sa mga local government units nga grabeng tinamaan it magnitude 7 nga linog kahapon it agahon sa pilang bahin it Luzon.
Ginkumpirma raya ni DSWD USec. Jose Faustino nga haum nga ipanupod it ahensiya engkaso nga kinahangeanon it mga LGU it dugang suporta.
Angot kara , suno kay Mark Timbal, tagapaghambae it NDRRMD nga nakipag-angot eon man si Executive Secretary Victor Rodriguez kay NDRRMC OIC Faustino ag sa iba pang opisiyal it ahensiya para talakayon ro earthquake operations sa Abra.
Dugang pa kara, owa man it tsunami alert nga gin-isyu tag tumama ro linog sa Tayum Abra.
Sa inisyal nga report maghalin sa NDRRMC matapos ro mabaskog nga linog sa Cordillera Administrative Region , owa it nareport nga aftershocks apang padayon ro monitoring ag assessment.
Sangka landslide man ro nag eontad sa Benguet.
Samtang sa Region 1, nakalista man it mga kasamaran sa Ilocos Sur ag owa man it naging paeag it tsunami.
