NATIONAL News — Ginpasaka it administrasyong Marcos ro borrowings ukon pag-utang kara halin sa domestic sources sa pag-umpisa it 2025, kapareho it total gross financing nga nag-abot sa ₱213.1 billion ko Enero.
“This posted a ₱9.9 billion or nearly five percent hike from the ₱203.2 billion recorded in January last year,” suno sa Bureau of the Treasury (BTr).
Ro January’s gross borrowings hay nag-abot sa masobra nga 8% it kabilugan nga planned borrowings it gobyerno nga ₱2.545 trillion para makaron nga dag-on.
Ro Gross domestic debt hay masobra sa 71% it kabilugan apang nagapabilin nga maeayo sa target it gobyerno nga 80% share. Para makaron nga dag-on, tuyo it gobyerno nga maangkon ro 80:20 borrowing ratio sa tunga it domestic ag foreign debt.
Ro kabilugan nga domestic debt hay nagtaas it ₱10.7 billion, umabot sa ₱152.2 billion.
Raya hay nagasaeaming sa haeos 8% nga pagtaas halin sa ₱141.5 billion borrowed locally sa nagtaliwan nga dag-on.
Samtang, ro gross foreign debt hay sangkiri nga nabawasan halin sa ₱61.6 billion ko Enero it nagtaliwan nga dag-on sa ₱60.9 billion. Raya hay may pagnaba nga ₱700 million ukon masobra it sang porsyento eang.
Ro Program loans halin sa multilateral lenders ag bilateral development partners hay mas pa nga nag-abot sa ₱56.3 billion, ensakto sa record ko nagtaliwan nga dag-on.
Sa pihak nga parte, ginbawasan man it gobyerno ro project loans sa ₱4.7 billion, halin sa ₱5.3 billion ko 2024.
Ro total borrowings ko nagtaliwan nga dag-on hay eampas sa borrowing plan it administrasyon nga ₱100 billion.
Raya hay sobra sa 4% mas mataas kaysa sa programmed ₱2.46 trillion para makaron nga 2025.
