Malisod nga maaprubahan it Regional Wage Board ro ginaproponer nga dugang sweldo nga ₱250 kada adlaw para sa mga trabahador sa Western Visayas.
Raya ro naging pahayag ni dating labor representative it Regional Tripartite Wages and Productivity Board nga si Wennie Sancho.
Suno kana, masami nga basehan it taeatapan ukon ro andang benchmark hay ro National Capital Region ukon NCR.
Sa makaron, ro minimum wage nga una sa ₱550 kada adlaw, magiging ₱800 raya kun bilog nga ₱250 ro maaprubahan.
Apang, base sa mga nagtaliwan nga wage order, mas maisot nga dugang-sweldo ro masami nga naaaprubahan kumpara sa haegang ginahinyo it mga trabahador.
Kaibahan man sigon sa mga hangkat kara ro kakayahan it mga negosyo nga mag-tao it dugang sweldo, eabi eon ag mabahoe nga parte it mga establisimyento sa rehiyon hay mga maisot ag katamtamang negosyo.
Apang, may mekanismo sigon para sa exemption it mga negosyong indi kayang ipatuman ro wage increase.
Samtang, ginpunto man nana nga sa kamatuoran hay bukon it living wage ro P250 ag kinahangean gihapon ro dugang-sweldo bangud sa padayo nga pagtaas it gaeastuson ag presyo it petrolyo gna nakakaapekto sa purchasing power it mga mamumugon.
Ginaeauaman man nga mag-angkon it bag-ong wage order pag-abot it Nobyembre 19, 2026, matapos ro pagtatapos it bisa it presenteng wage order.
