KALIBO, AKLAN — Mabahoe ro pagpasaeamat it dating aktor nga sa makaron hay sangka negosyante nga si Martin Jickain matapos nga ibalik it sangka tricycle driver ro anang kanyang nawigit nga kwarta nga P25,000 sa isla it Boracay.
Gin pahayag it 48-anyos nga driver nga si Wilfredo Zausa, residente it Brgy. Yapak sa isla nga samtang gina hatud ro daywang pasahero sa Brgy. Balabag, napan-uhan kara ro sangka plastic sa karsad ag kat chekyaron, nakita kara ro maabong kwarta.
Malipayon sigon si Jickain kat magkaatubang sanda ag maibalik ro anang kwarta nga owa kara gina eauman nga maibalik pa.
Nasayuran nga naghalin si Jickain sa anang restaurant kat mawigit ro kwarta sa anang boesa samtang nakasakay it golf cart.
Bilang pagpasaeamat, gintaw-an ni Jickain it token si Zausa sa anang pagiging tampad.
