Ginbayaran eon tanan it gobyerno ro nabilin nga P300 bilyon nga provisional advances sa Bangko Sentral ng Pilipinas (BSP) kahapon it adlaw, Mayo 20.
Mas timprano sa nakataeanang petsa it maturity nga June 11 suno sa Department of Finance (DOF).
Raya hay kasunod sa ginatuyo ni Finance Secretary Carlos Dominguez III g “unwinding liquidity support” maghalin sa BSP bag-o mag-umpisa ro masunod nga administrasyon.
Si Pangueong Rodrigo Duterte ag ro anang gabinete hay magapanaog sa puwesto sa Hunyo 30.
Ginpahayag it DOF, ro timprano nga pagbayad hay naging posible pamaagi sa mas timprao kumpara sa nakataeanang pagbalik it ekonomiya sa pre-pandemic strength.
Nag-eawig it kapin sa 8.3 porsiyento ro gross domestic product (GDP) it nasyon sa unang quarter, rason para ro Pilipinas ro pinakamadasig nga naga-asenso nga ekonomiya sa rehiyon it ASEAN para sa panyempo makaron.
Ro provisional advance hay isaeang ka laye sa idaeom it Republic Act (RA) No. 7653 ukon The New Central Bank Act nga nagapasugot sa BSP nga paeawigon ro short term financing sa gobyerno it asta sa 20 porsiyento it average nga dag-onang kita sa nakataliwan nga tatlong dag-on.
