KALIBO, Aklan —-Ginaumpisahan eon it Department of Public Works and Highways (DPWH) ro second phase it road network project nga may habang 3.3 kilometers nga nagabalor it kapin sa P300-million sa isla it Boracay.
Nagapadayon ro paghakot it contractor it iba pang kinahang-eanong materyales ag kagamitan para sa nasambitang proyekto.
Suno kay Engr. Noel Fuentebella, district engineer it DPWH-Aklan nga ginaeauman nandang magapadayon ro trabaho para sa two-section two-lane project bangud sa pagsueod it tag-init.
Raya sigon ro kasugpon it 4.12 kilometers nga unang phase it andang road project nga haeos kompleto eon makaron.
Ro pondo it proyekto hay ginbueo halin sa augmentation fund ko 2018.
Makabig sigon nga pedestrian friendly ro andang road project sa Boracay bangud sa mas ginpaeapad nga sidewalks.
