KALIBO, Aklan — Pagasamantalahon it Department of Public Works and Highways (DPWH) Aklan ro tag-init agud maumpisahan eon ro phase 2 it road rehabilitation sa isla it Boracay.
Sa eksklusibong interview it Bombo Radyo Kalibo, ginpahayag ni Engr. Noel Fuentebella, District Engineer it DPWH-Aklan nga ro P300-M project hay ro pagpadayon it road construction halin sa Elizalde Compound ag Rotonda hasta sa Tambisaan Port.
Suno pa kay Fuentebella nga ro nagpatigayon it bidding hay ro Region Office ko buean it Disyembre 2018.
Dugang pa kara nga kapin sa 98 percent eon man ag maeapit lang matapos ro 4.1 kilometers nga kaparte it phase 1 road rehabilitition sa isla.
Ginatapos eon lang sigon nanda ro mga sidewalks, paving blocks ag manhole covers agud maagyan eon it publiko.
