Nagtaeana ro Department of Agriculture (DA) it P327 miliion haega it interventions para sa industriya it sibuyas sa bnasyon para matapna eon ro pagtaas it presyo it nasambit nga commodity ag maasabat ro supply gap sa nasyon.
Suno sa Presidential Communications Office, kapin sa P240.575 million kara hay para sa pagtukod it pitong bag-ong cold storage facilities it sibuyas.
Ginaeauman nga magabenipisyuhan it bag-ong cold storage facilities ro mga onion growre sa Pangasinan, Nueva Viscaya, Bataan ag Occidental Mindoro.
Samtang ro P69.949 million mat-a ro gintaeana para sa onion production support services kaibahan ro pagtao it mga seedlings ag iba pang farm inputs ag P6.486 million mat-a ro para sa farm production-related machinery ag equipment distribution.
Nagtaeana man it P2.359 million para sa production facilities ag P2.5 million para sa postharvest ag processing equipment.
Una kara, pilang mga local onion farmers ro nagpahayag it pagkabaeaka sa posibleng pagkalugi bangud sa kompetisyon sa mas baratong import nga mga sibuyas g sa pagtaeana it gobyerno sa P125 kada kilo sa suggested retail price it sibuyas.
