Nagtaeana ro Department of Agriculture it P350 million pesos nga magamit sa pagbakae it mga bakuna kontra sa African swine fever (ASF).
Raya hay kasunod it daeayon nga pag-aproba it Food and Drug and Administration (FDA) sa pagbakuna it mga baboy sa idaeom it ‘controlled vaccination’ ukon limitadong pagbakuna.
Sa idaeom it order it FDA, ginpahayag ni Agriculture Assistant Secretary and spokesman Arnel de Mesa nga ro nasambit nga ahensya ro magabakae it mga bakuna sa pinaagi it Bureau of Animal Industry.
Posibleng pag-abot it Setyembre hay available eon ro bakuna kadungan it daywang buean nga ginaeauman nga abuton it procurement process.
Sa pihak kara, ginklaro it opisyal nga ro mga bakuna hay inde pa pag-ibutang sa commercial distribution.
Sa makaron hay maabong probinsya gihapon sa Pilipinas ro uwa nalimpyuhan halin sa naunang epekto it ASF kat magpanaeasa ro makamaeatay nga sakit it mga baboy.
