-- ADVERTISEMENT --
Naga-abot sa P4 billion nga pondo ro gintaeana it Department of Agriculture (DA) para sa fertilizer subsidy it mga mangunguma sa nasyon.
Suno kay DA Assistant Secretary Noel Reyes, ro mataas nga presyo it fertilizer ukon abono hay sambilog sa pinakagrabe nga problema it mga mangunguma tuga it pagsipa it presyo it langis.
Ginpahayag ni Reyes nga kaabuan sa mga abonong gina-angkat sa Pilipinas hay nagahalin pa sa mga nasyon nga may produksiyon it langis.
Bilang bulig sa mga mangunguma nga naapektuhan it sunud-sunod nga pagtaas it presyo sa produktong petrolyo, magapanupod ro ahensya it pondong alokasyon sa pamaagi it mga voucher.
