KALIBO, Aklan — Naga balor it kabilogan nga P490 million pesos ro gina hueat nga budget it Department of Public Works and Highways (DPWH) maghalin sa national government para sa masobra sa an-um nga buean nga rehabilitasyon sa isla it Boracay.
Sa interview it Bombo Radyo kay Engineer Noel Fuentebella, District Engineer sa probinsya it Aklan, nakataeana raya para sa 5.6 kilometers maghalin sa Cagban hasta sa boundary it barangay Yapak sa isla.
Ro sukat sigon it eapad it karsada hay 12 meters kun siin may una rayang drainage, walkway ag biking lane.
Dugang pa kara nga gina sunod nanda ro Malay Municipal Ordinance No. 131 series of 2000 nga 6 meters nga sukat maghalin sa tunga it karsada.
Naga bulig man raya sa lokal nga gobyerno sa pag-demolish sa mga minarkahan nandang sukat para sa road setback.
Samtang, masobra sa 150 personel ro naga bulig sa makaron sa pag-demolish it mga istraktura bilang kaparte sa gihapon it rehabilitasyon sa isla.
