Kalibo Aklan ———-Nabaton eon it lokal nga gobyerno it Kalibo ro P5 million pesos nga financial assistance halin sa Dangerous Drugs Board pinaagi sa ginapatigayun nga virtual turnover kahapon nga adlaw it Martes, Disyembre 29.
Suno kay Kalibo Mayor Emerson Lachica, pagagamiton nanda ro pondo sa pagpatindog it “Bahay Silangan” ukon pasilidad para sa mga drug surrenderee.
Padayun sigon ro andang paghueag agud matapna ro illegal nga droga sa bilog nga banwa kabulig ro PNP, Department of Interior and Local Government (DILG), Philippine Drug Enforcement Agency (PDEA) ag Municipal Health Office.
Sa makaron suno sa alkalde hay ap-at lang sa kabilugan nga 16 nga Kabarangayan it Kalibo ro owa pa na-cleared sa droga raya hay ro Brgy. Poblacion, Andagao, Estancia ag Tigayon.
Ginpasiguro man kara nga mas pa nandang pabakusgon ro kampanya agud daeayon eon nga matapos ro away kontra illegal nga droga.
Samtang, ro pagpatindog sigon it Balay Silangan para sa rehabilitasyon it mga drug surrenderees hay bilang kaparte it programang Community Enhancement and Livelihood Program (CELP) agud mabuligan ro mga raya nga makapanumbalik sa andang normal nga pangabuhi ag maging mapinuslan nga indibidwal.
