KALIBO, AKLAN — Ginatantyang nag-abot sa masobra P500,000 nga balor it propyedad ro naugdaw sa pagkasunog it 16 nga mga panimaeay sa sangka residential area sa J. Magno St. Extension ag Oyo Torong St. sa Brgy. Bakhaw Sur, Kalibo, Aklan.
Suno kay Fire Inspector Donnie Torre, hepe it Bureau of Fire Protection (BFP)-Kalibo nga nag-umpisa ro sunog sa sangka boarding house kat ginhampangan sigon it sangka an-om nga dag-ong ongang eaeaki ro nakasindi nga kandila.
Bangud kara, naabo ro 16 nga mga panimaeay kon sa siin 13 ro totally burned ag tatlo ro partially damaged.
Madasig sigon nga nag-eapta ro kaeayo sa kaeapit nga mga panimaeay bangud magkadukot eamang ro mga raya ag human pa light materials.
Uwa it nailistang naninahan sa nag-eontad nga sunog nga nagbuhay it haeos masobra sa sang oras.
Sa pihak nga parte, nagapabilin sa evacuation center sa Kalibo Magsaysay Park ro mga biktima samtang ro ibang apektadong pamilya hay temporaryong nagaistar sa andang kapamilya.
