Posibleng ipauli it Commission on Audit (COA) ro P612.5 million nga confidential funds ni Vice President Sara Duterte.
Sa impeachment trial, ginpahayag ni COA state auditor Xylene del Campo nga pwedeng i-disallow it ahensya ro bilog nga confidential funds it Office of the Vice President (OVP) ag sa Department of Education (DepEd).
Gintumod ni Senate President Win Gatchalian nga naunang ginpahayag ni del Campo nga may notice of disallowance (NDA) ro COA angot sa P375 million nga confidential funds ro OVP ko unang tatlong quarters it 2023 matapos nga itau it special disbursing officer kato nga si Gina Acosta ro pondo sa head it security it bise presidente nga si Col. Raymund Dante Lachica nga eabag sa idaeum it Joint Circular 2015-01.
Kon maisyuhan it notice of disallowance, buot hambaeon nga may nakita ro COA nga iregular sa paggamit it confidential funds ag kinahangean nga ibalik ro kwarta sa gobyerno.
Gin-Kwestyon ni Gatchalian kun ham-an sa DepEd hay owa it NDA maskin nga sa ginpatigayon nga hearing sa Kamara hay gin-aku it dating disbursing officer it DepEd nga si Edward Fajarda nga gintau man nana ro confidential funds ko 2023 sa security officer it ahensya nga si Col. Dennis Nolasco.
Ginpahayag ni del Campo nga bangud sa bag-ong impormasyon hay posibleng repasuhon ro credit notice nga unang gin-isyu sa DepEd bangud nga owa nanda nasayuran nga gintau gali it SDO sa iba ro pondo.
