Nagtaeana ro Department of Agriculture (DA) it masobra P709 milyong haega it bulig ag interbensyon para sa mga mangunguma nga naapektuhan it pagpaeanasa it supertyphoon Karding.
Sa makaron, kapin sa P2.95 bilyon eon ro danyos sa agrikultura nga tuga ni “Karding” sandig sa pinaka-ulihing datos it taeatapan.
Gindugang pa it ahensya nga ro Quick Response Fund ngara nga nagabalor it P500 milyon hay posibleng pagagamiton para sa insigidang pag-ayos ukon rehabilitasyon it mga nasamad nga pasilidad it produksyon.
Suno sa agriculture department, nakapahaom man nga igapanupod ro mga busoe it paeay, mais, ag binhi it tinuean-on.
Madumdumang, ginpahayag ni Agriculture Usec. Domingo Panganiban nga posibleng tumaas it 15 hasta 20 porsiyento ro presyo it bugas ag tinuea sa mga masunod nga adlaw bangud sa danyos sa agrikultura sa nasyon.
